كلمة مرحبا كيف تفسر ولماذا؟؟!!

السلام عليكم يا حلوين بناء على ما حكتو البيلسان بدي اطرح فكرة وانتوا اعطوني رأيكم فيها وبكل جدية وصراحة طبعا ...
هي القصة انها عادة منتشرة كتير عنا بالوطن العربي وخصوصا بالاردن وبتصير اكتر شي بالجامعات وهلق عالنت انو بيجي الشب او البنت بس من باب الادب والاحترام ومجرد انها/انو زميل الها/الو بس هيك النية بتكون عادة...! بس اللي بصير طرح السلام (صباح الخير او مسا الخير او حتى السلام عليكم ) بتتفسر للطرف الاخر من الجنس الاخر انو/انها معجب او شي زي هيك وبشكل خاص عند البنات اكتر من الشباب بس لا يفكروا الشباب انو هم مستبعدين لأ هم موجودين بدائرة الاتهام
المهم والخلاصة بدي اعرف كيف انتي او انت بتفسر لما يطرح عليك الطرف الاخر السلام مجرد السلام ان كان بالجامعة او بالسوق او بالمول او بالنت الخ...
بتمنى تكون اراء جدية ويكون موضوعي بستاهل النقاش ... ويعطيكم العافية ..
وهلق GO

ولله يا اخت حنين اتنا برائي بترجع لطريقت رمي السلام يعني سلام عن سلام بيختلف صح

يعني انا مثلا شوف بنت اي بنت بقلها السلام عليكم مو معقول هي تاخدها بمعنى تاني هاد سلام والسلام لله عز وجل مو للبشر

وانا نفس الشي يعني اي بنت تلرمي علي السلام بدي اخدها بمعنى غير مابظن

والله يعطيك العافي على طرحك هل موضوع بيستاهل النقاش

يسلمو على طرحك الرائع يا حنين وخير مبتدئ للقسم حبوبه
بالنسبه الي عادي يعني السلام (تحية الاسلام) فما في مشكله ازا سلم الشخص
اما بالنسبه للبنات او الشباب اللي ممكن ياخدوها بشي تاني فهاد ازا دل عشي ممكن يدل انهم سورريييي كتير بس جد (تافهين)لانهم بمجرد هاي الكلمه انساقو وراها
بس حكيي هاد ما بيعني ابدا انه الواحد يم عالطالعه وعالنازله يزتزت بهالكلام بحجة تحية االاسلام هههه
وشكرا الك يا حلوة

اول شي قبل ما احكي أي شي بشكرك كتيرررررررر كتيرررررررررر على هاد الموضوع الجيد والمفيد


حاب احكي انا بما انو طالب جامعة وبعرف الوضع كتير منيح في الجامعه اخت حنين مرات الواحد بطر انو يحكي مع بنت يوخد منها محاضرة يوخد منها موعد اختبار قلم وهاد الحكي انو الشغله مو قصة ما في شباب لا في بس مرات الواحد يحكي مع بنت احسن من الشب ازا ما بعرف الطرفين لا يميل على البنات احسن لانو الشب بحملك الف جميله لانك اخدت محاضرة صورتها كيف لو كتبلك اياها
بس اهم الشي النية عند الشب والبنت ضروري تكون خير
وان شاء الله بتدخلو الجامعه ورح تشوفو انو مرات الواحد كيف بطر وزي ما انا شب وبطر اني احكي مع بنت نفس الشي
والله ينجحكم ويوفقكم ويحميكم وكل واحد بعرف الصح من الغلط ما أعتقد انو لحد هالوقت ما بتعرفوه الخير من الشر


شكرآ كتير كتير كتير يا اخت حنين على هاد الموضوع بجد لانو اشي كتيررررر مفيد
ننتظر جديدك
وتقبلي مروري

eslamo 2dake hanen 3la had l mwdo3
2she 3ade elsalam ben elbnat o elshabab bs 7sb
elnea lazm tkwn 5er o 7sb el mw4f o 6re4t el7ke o ze m4alt
fro7a mo 3l 6al3a wlnazlal

شكرا على هالردود الحلوة ولطرحكم الجاد .. واكيد معكم حق بموضوع النوايا وانا هاد اللي بدي اوصلو كيف بتكون النوايا وكيف الطرف التاني بفسرها على مزاجو (طبعا مو الكل) انا بحكي بشكل عام بدون اي تخصيص ..
ولكم مني كل الشكر على مروركم وارائكم الحلوة...