حوار بين اتنين سمعهم ثقيل.....

اقرأوا الحوار من طقطق لسلام عليكم ..
اثنين مصريين سمعهم ثقيل جداً واقفين على محطة الاتوبيس ودار بينهم الحوارالتالي

الأول : الاتوبيس ده بيروح مــصر الجديدة؟



الثاني : على الحديدة !!... ليه انت طالب احسان ؟



الأول : بذرة الكتان !! لا .. دي تلاقيها عند العطار



الثاني : جزار!! اه ..قوللي كده .. عايز تشتري لحمة



الأول : معك حق.. الدنيا زحمة ..علشان ده ميعاد خروج الموظفين



الثاني : نور الدين !! لا والله .. ماعرفوهش



الأول : ما بتشربوش!! ليه ..كفا الله الشر



الثاني : رأس البر !!! ..ده مــصيف هادي



الأول .: عايز تركب للمعادي... دي منطقة جميلة



الثاني : بليلة !! انت شكلك كده جعان



الأول : عيان!!! أي والله .انت باين عليك عيان ..طيب ما تروح للدكتور



الثاني: الحنطور!! ده احسن من الأتوبيس ، وبيوصلني لحد الباب



الأول : هبــــاب !!! وانا اللي كنت فاكرك محترم



الثاني : اتخـرم !! هو مين ؟؟



الأول : عاوز اسـبرين ! ليه انت عندك صداع ؟



الثاني : قراع !!! ينهار اسود . ده مرض خطير



الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي



الثاني: خالي !!! انت تعرف خالي ؟ ده راجل كبير في السن



الأول : الجن !!! نهارك مش فايت ..انت عليك عفريت .!؟



الثاني : لا والله ..ممعاييش.. انت عايز الكبريت ليه ؟ عايز تولع؟



الأول : أدلع !!! أدلع عليك انت!؟ انت ما تملاش عنيا



الثاني : يقبضوا عليا !! ليه !؟



الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش



الثاني : خيش !!! والله ده صوف انجليزي



الأول: بنتك زيزي !!! ربنا يخلي...



الثاني : إنتاج محلي !!!! ده مستورد



يمر شاويش ... يلفت انتباهه الحوار، : بتعمل ايه يا جدع منك له!!!



الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة

هههههههههههههههههههه لا معقول في لهدرجة طرشان ؟؟؟؟؟؟؟؟؟؟؟ ههههههههه الله يعينهم يا رب
بس حلوة منك كتييييييييير يسلمو هالايدين يا قمر ...

اسمعي هو على الطرشان مليان منهم انا احيانا بنطرش بس الصراحة مو لهاي الدرجة
ههههههههههههههههههههههههههههههههههههههه

اي والله معك حق وخاصة لما نكون بنتفرج عالتلفزيون او عالنت ههههههههههههههههههه الله يعين اهلينا مو هيك هههههههه

ههههههههههههههههههه هو الموضوع رائع وحلو الله يعطيكي العافي يارب والله يبعد البلا عنا

بس حديث حنين وغدير احلى بكتير هههههههههههههههههههههههههه

كملو كملو كلنا اذان صاغية

سلااااااااااااااااام

ههههههههههههههههههه عجبك غدير صرنا مضحكة الله يسامحك ...